Tugas PSIKOSASTRA

Tugas mata kuliah psikosastra waktu semester 3 :) 

gara-gara tugas ini, gua mantengin engkong gua cerita sampe habis, untung gua gak ketiduran waktu diceritain ini --'

tapi makasih bgt yaaa engkong udah ngebantuin wiwi ngerjain tugas :* sayang engkong :* 

ini ceritanya tapi pake bahasa betawi soalnya engkong gua ceritanya pake bahasa betawi :)

ini dia ceritanya, cekidot ==>  

Buaye Perampok di Kalimalang

Pada zaman dulu ni, Kalimalang ntuh terkenal ame kegalakan buayanya. Nah orang nyang lewat disono ataupun warge nyang tinggal disono perlu bangat ati-ati. Disono noh udeh banyak manusia nyang ilang gitu aje tanpa ada sebabnye.

Pada suatu hari ni ye, kejadian nyang menyedihkan ntu keulang lagi. Orang nyang ilang ntu adalah seorang mpo-mpo cakep nyang namenye Siti. Anehnya tu ye walaupun warge kampung di tepi kalimalang semuanye udah nyari, gak ade jejak nyang ketinggalan disono. Kaya die udah ketelen bumi.

Udeh lame kejadian ntu, di dalem goa gede ade si siti nyang tergeletak disono, die ntu baru aje sadar dari pingsannye. Die kaget bangat saat die engeh goa ntu penuh ame harte bende yang mahal harganye. Ade permate, emas, intan, ame baju nyang cakep-cakep. Harte ntu mengeluarkan sinar nyang kilauan.

Belom abis rase takjubnye, dari pojok goa kedengeran ade suara nyang gede “jangan takut neng cakep! Walopun  aye wujudnye buaye, sebernernya ntu aye manusia kaye elu juge. Aye dikutuk jadi buaye karena kelakuan aye nyang jahat. Nama aye dulu jupri, perampok di kalimalang ni. Dulu aye ngerampok mulu kalo ada orang nyang lewat dimari. Semue hasil rampokan aye, aye taro di goa ni. Nah kalo aye butuh makan harte ni aye jual di pasar desa di pinggir kalimalang. Kagak ade seorang pun nyang tau aye nyang negbangun terowongan di balik goa ni. Terowongan ntu nyang ngehubungin goa ni ame desa ntu.

Kagak disengaje, si buaye rampok ntu udeh ngebuka rahasie goa tempat tinggalnye. Si Siti teliti bangat nyimak ame ngingetin omongan si rampok. Buaye ntu ngasih hadiah perhiasan ke si siti mulu. Harapannye ntu supaye si siti mao tinggal ame si buaye rampok ntu. Tapi ni ye si Siti ntu pengen pulang ke kampungnye.

Pada suatu hari ni ye, buaye rampok ntu sedikit kagak engeh, si buaye ntu tidur dan si siti ntu ninggalin buaye ntu pas pintu goanye kebuke. Si siti ntu keluar sambil jejingkrakan . dibalik goa ntu si siti nemuin terowongan nyang sempit bangat. Udah cukup lame melewati terowongan ntu, tibe-tibe die ngeliat cahaye mentari. Girang bangat pas die keluar dari mulut terowongan goa ntu. Disono si siti ditolongin ame warge desa nyang nyari rotan. Terus si siti ngasih para warge ntu hadian berupe perhiasan nyang dibawanye. Si siti ntu akhirnye bisa kembali ke desanye dengan selamat . die pun selanjutnye idup dengan tentren disono.